विदुर ११ गेर्खुमा एमालेको प्यानल नै विजयी
विदुर ११ गेर्खुमा एमालेको प्यानल नै विजयी
नुवाकोट । नुवाकोटको विदुर नगरपालिका वडा नम्बर ११ गेर्खुमा एमालेको प्यानल नै विजयी भएको छ ।
आज विहान सम्पन्न भएको मतगणनामा गठबन्धन दलका साझा उम्मेद्धवारहरुलाई पराििजत गर्दै एमालेका वावुराम तामाङको प्यानल नै विजयी भएको हो ।
वडाध्यक्षमा विजयी भएका तामाङले ९ सय ५६ मत ल्याएर विजयी भएका हुन् । उनका निकटतम प्रतिद्धन्दी नेपाली कांग्रेसका चन्द्रवहादुर प्याकुरेलले ७ सय ४२ मत प्राप्त गरेका छन् । लामा प्याकुरेलविचको मतान्तर २ सय १४ मत रहेको छ ।
यस्तै दलित महिला सदस्यमा एमालेकी कमला मिजार, महिला सदस्यमा बिन्दा तिम्सिना विजयी भएका छन् ।
मिजारले ९ सय ३३ र तिम्सिनाले ९ सय ५१ मत प्राप्त गरेका छन् । त्यस्तै खुल्ला सदस्यमा रेवती प्रसाद चालिसे र नमराज तामाङ विजयी भएका छन् । चालिसेले ८ सय ८४ र तामाङले ९ सय ४ मत प्राप्त गरे ।
विदुर ११ गेर्खुमा २६८५ मतदाता रहेकोमा १८ सय ३९ मत खसेको थियो ।
यसअघि २०७४ सालमा सम्पन्न भएको स्थानिय तहको निर्वाचनमा पनि नेकपा एमालेका तोयानाथ तिम्सिनाको प्यानल नै विजयी भएको थियो ।
