दलभन्दा माथि उठेर काम गर्न जनकपुरका जनप्रतिनिधिलाई निधिको निर्देशन

जनसेवा न्युज डटकम संवाददाता

नेपाली काँग्रेसका नेता विमलेन्द्र निधिले जनकपुरधामको विकासका लागि दलभन्दा माथि उठेर काम गर्न नवनिर्वाचित जनप्रतिनिधिहरूलाई निर्देशन दिएका छन् । बिहीबार जनकपुरधाम उपमहानगरपालिकाका नवनिर्वाचित जनप्रतिनिधिहरूको सपथग्रहण कार्यक्रममा बोल्दै नेता निधिले जनकपुरको विकासका लागि दलभन्दा माथि उठेर काम गर्नुपर्ने बताएका हुन् ।

उनले जनकपुरधाममा रिङ रोड निर्माणको योजना कार्यान्वयन गर्न मेयर मनोजकुमार साहको ध्यानाकर्षण गराए । उनले मेयर साहलाई काँग्रेसमै फर्किन आग्रह गरे । सपथ ग्रहण कार्यक्रमलाई नेकपा एमालेबाट निर्वाचित जनप्रतिनिधिहरुले बहिष्कार गरेका थिए ।