लुकिरहेको अवस्थामा बानेश्वरबाट पक्राउ परे रञ्जन कोइराला
लुकिरहेको अवस्थामा बानेश्वरबाट पक्राउ परे रञ्जन कोइराला
काठमाडौं । सर्वोच्च अदालतले जन्मकैदको फैसला सुनाएपछि फरार रहेका सशस्त्र प्रहरीका पूर्वडिआईजी रञ्जन कोइरालालाई बानेश्वरबाट पक्राउ गरिएको छ ।
शुक्रबार बानेश्वरस्थित एक घरमा लुकिरहेको अवस्थामा पूर्वडिआइजी कोइरालालाई पक्राउ गरिएको हो । श्रीमती हत्याको अभियोगमा जन्मकैदको सजाय खेपिरेहका कोइराला २०७७ साउन ८ गते अदालतबाट छुटेका थिए । त्यतिबेला अदालतले जन्मकैदको सजाय घटाएर साढे ८ वर्ष कैद सजाय तोकेको थियो ।
तर, बिहीबार कामु प्रधानन्यायाधीश दीपक कार्की, न्यायाधीश टंक मोक्तान र कुमार चुँडालको पूर्ण इजलासले कोइरालालाई यसअघि दिने भनिएको कैद छुट उल्ट्याएको थियो । संयुक्त इजलासले कोइरालालाई जन्मकैदकै सजाय तोकेको थियो ।
सर्वोच्चको बिहीबारको फैसलापछि कोइराला फरार रहेका थिए । तर, शुक्रबार सम्पर्कविहीन कोइराला बानेश्वरस्थित एक घरमा लुकिरहेको अवस्थामा फक्राउ परे ।