डाक्टर पढ्न वैतेश्वर गाउँपालिकाले छात्रवृत्ति दिने
डाक्टर पढ्न वैतेश्वर गाउँपालिकाले छात्रवृत्ति दिने
चरिकोट । दोलखाको वैतेश्वर गाउँपालिकाले डाक्टर पढ्नका लागि छात्रवृत्ति प्रदान गर्ने भएको छ । गाउँपालिकाले आर्थिक अभावको कारण नाम निकालेर पनि डाक्टर अध्ययन गर्न नसकेका विद्यार्थीलाई छात्रवृत्ति अनुदान दिने भएको हो ।
गाउँपालिका अध्यक्ष छवि लामाका अनुसार आर्थिक अभावकै कारण एमडीजीपी तहको अध्ययनको लागि समस्या भएमा जेहेन्दार, विपन्न र दलित विद्यार्थीलाई छात्रवृत्ति अनुदान दिने निर्णय भएको छ ।
गाउँपालिकाभित्रका स्थायी बसोवास भएको जेहेन्दार र विपन्न परिवारबाट डाक्टर अध्ययनको लागि नाम निकालेर पनि गरिबीकै कारण पढ्न नसकेको विद्यार्थीलाई छात्रवृत्ति दिने निर्णय गरेको गाउँ कार्यपालिका बैठकले निर्णय गरेको अध्यक्ष लामाले बताए ।
त्यस्तै प्राकृतिक प्रकोप तथा आपतकालीन दुर्घटनामा मृत्यु भएकाहरुको शवलाई बोक्नको लागि गाउँपालिकामा शव बाहनको आवश्यकता रहेकोे भन्दै गाउँपालिका अध्यक्ष लामाले सो सवारीको व्यवस्थापन गर्ने निर्णय समेत गरेको जानकारी दिए ।