अमेरिकी सहायक विदेशमन्त्री लू आइपुगे काठमाडौं
अमेरिकी सहायक विदेशमन्त्री लू आइपुगे काठमाडौं
काठमाडौं । दुई दिने नेपाल भ्रमणका लागि अमेरिकी सहायक विदेशमन्त्री डोनाल्ड लू काठमाडौं आइपुगेका छन् ।
बिहीबार अपरान्ह नयाँ दिल्ली हुँदै दक्षिण तथा मध्य एसियाली ममिलासम्बन्धी सहायक विदेशमन्त्री लू काठमाडौं आइपुगेका हुन् ।
सहायक विदेशमन्त्री लूले प्रधानमन्त्री शेरबहादुर देउवा र परराष्ट्रमन्त्री नारायण खड्कालाई भेट्ने तय गरिएको छ । लुले शुक्रबार प्रधानमन्त्री शेरबहादुर देउवा र परराष्ट्रमन्त्री नारायण खड्कासँग भेटवार्ता गरेर फर्कने कार्यक्रम रहेको छ ।
काठमाडौंस्थित अमेरिकी राजदूतावासले नियमित भ्रमणको सिलसिलामा लु नेपालको दुईदिने भ्रमणमा आएका हुन् । लु गत मंसिरमा नेपाल भ्रमणमा आएका थिए । त्यतिबेला उनले अमेरिकी परियोजना मिलेनियम च्यालेन्ज कर्पोरेसन (एमसीसी) नेपालले ग्रहण गर्न दबाब पनि दिएका थिए । पछि संसद्बाट व्याख्यात्मक घोषणासहित एमसीसी पारित गरिएको थियो ।