२०७९ माघ २१ - Sat Feb, 2023 -

Janasewa News

विश्वासको मतबारे छलफल गर्न पुस २६ मा पुन: कांग्रेस संसदीय दलको बैठक बस्ने

विश्वासको मतबारे छलफल गर्न पुस २६ मा पुन: कांग्रेस संसदीय दलको बैठक बस्ने

काठमाडौँ – नेपाली कांग्रेसले प्रतिनिधिसभा बैठकमा आफ्नो भूमिकालाई प्रभावकारी बनाउन सांसदहरूलाई निर्देशन दिएको छ ।

सिंहदरबारमा शनिबार बसेको कांग्रेस संसदीय दलको बैठकले पुस २५ र २६ गते बस्ने प्रतिनिधिसभाको बैठकको प्रक्रियाबारे सांसदलाई जानकारी गराउँदै आफ्नो भूमिकालाई प्रभावकारी बनाउन सांसदहरूलाई निर्देशन दिएको हो ।

बैठकपछि कांंग्रेस मुख्य सचेतक रमेश लेखकले सदनमा कांग्रेसका सांसदहरूले खेल्नुपर्ने भूमिका र तयारीका बारेमा जानकारी गराइएको बताए । अहिलेको निर्वाचनमा कांग्रेसलाई ठूलो दल बनाउने मतदाताप्रति बैठकले आभार व्यक्त गरेको छ भने निर्वाचन सफल पार्न भूमिका खेल्ने सबैप्रति पनि आभार व्यक्त गर्ने निर्णय गरेको लेखकले बताए ।

उनले विश्वासको मतका विषयमा छलफल गर्न पुस २६ गते पुन संसदीय दलको बैठक बस्ने र आवश्यक निर्णय गर्ने जानकारी दिए । लेखकले अहिलेको गठबन्धन भत्काउने र नयाँ गठबन्धन बनाउने कांग्रेसको कुनै तयारी नरहेको स्पष्ट पारे ।

त्यस्तै कांग्रेस महामन्त्री गगन थापाले संसदीय दलको बैठकमा प्रतिनिधिसभामा खेल्नुपर्ने भूमिकाका बारेमा छलफल भएको बताए । उनले केन्द्रीय समितिको बैठकमा निर्वाचनको समीक्षा, राजनीतिक घटनाक्रमको समीक्षाका साथै सरकार गठनमा किन चुक्यो भन्ने विषयमा छलफल गर्दै नयाँ मार्ग तय गर्ने धारणा राखे ।

बैठकले संसदीय दलको कार्यसमितिलाई पूर्णता दिने प्रक्रिया आरम्भ गर्ने निर्णय पनि गरेको छ ।

Leave a Reply

Company Information

फेन्डसिप जनसेवा मिडिया प्रा. लि.
(Friendship Jana Sewa Media Pvt.Ltd.)
अध्यक्ष /संचालक: राजन मगर
म्यानेजिङ डाइरेक्टर / संचालक: रमेश बसेल
सम्पादक: दिपक मिजार (गैरे)
सुचना तथा प्रसारण विभाग दर्ता नं
2999-2078/79

Contact Information

Friendship Jana Sewa Media Pvt.Ltd.
Kathmandu, Nepal

015918966, 9851118966
info@janasewanews.com
www.janasewanews.com