२०७९ माघ २१ - Sat Feb, 2023 -

Janasewa News

मधेस प्रदेशको मुख्यमन्त्रीका लागि जसपाका सरोज यादवले दाबी पेस गर्दैै

मधेस प्रदेशको मुख्यमन्त्रीका लागि जसपाका सरोज यादवले दाबी पेस गर्दैै

जनकपुरधाम । जनता समाजवादी पार्टी नेपालका मधेस प्रदेशसभा संसदीय दलका नेता सरोज यादवले मुख्यमन्त्री पदका लागि बहुमतसहित दाबी गर्ने भएका छन् । प्रदेश प्रमुख हरिशंकर मिश्रले आह्वान गरे बमोजिम यादवले मुख्यमन्त्रीका लागि दाबी गर्न लागेका हुन् ।

सत्ता साझेदार दलहरुकै समर्थनमा मधेस प्रदेशमा पनि सरकार गठन हुने भएको हो । सत्ता साझेदार दलहरुको बैठक जनकपुरधाममा बसेको छ ।

प्रदेश प्रमुख मिश्रले पुस २८ गते ४ बजेभित्र सरकारको नेतृत्वमा दाबी पेस गर्न आह्वान गरेका थिए । तर संघमा सत्ता साझेदार दलहरुबीच राजनीतिक समीकरण भइसकेकाले त्यसको एक दिन अगाडि नै यादवले एमाले, जनमत लगायत दलहरुको समर्थनमा सरकारको नेतृत्वमा दाबी प्रस्तुत गर्न लागेका हुन् ।
सरकार गठनका लागि मधेस प्रदेशमा १६ जना सांसदसहित तेस्रो ठुलो दल रहेको जसपालाई नेकपा माओवादीको २३ जना सांसद, जनमत पार्टीको १३ जना, माओवादी केन्द्रका ८ जना, राष्ट्रिय प्रजातन्त्र पार्टी र उन्मुक्ति पार्टीका १÷१ जनासहित कुल ६२ जना सांसदको समर्थनमा दाबी पेस गरिने जसपा संसदीय दलका नेता सरोज यादवले जनाए ।

सत्ता गठबन्धनका शीर्ष नेताहरुबीच भएको सहमति अनुसार मधेस प्रदेशको नेतृत्व जसपा र जनमतले आलोपालो गरी लिनेछ ।

Leave a Reply

Company Information

फेन्डसिप जनसेवा मिडिया प्रा. लि.
(Friendship Jana Sewa Media Pvt.Ltd.)
अध्यक्ष /संचालक: राजन मगर
म्यानेजिङ डाइरेक्टर / संचालक: रमेश बसेल
सम्पादक: दिपक मिजार (गैरे)
सुचना तथा प्रसारण विभाग दर्ता नं
2999-2078/79

Contact Information

Friendship Jana Sewa Media Pvt.Ltd.
Kathmandu, Nepal

015918966, 9851118966
info@janasewanews.com
www.janasewanews.com