लागुऔषध मुद्दाका फरार प्रतिवादी पक्राउ

काठमाडौँ । जिल्ला प्रहरी कार्यालय झापाले लागुऔषध मुद्दामा वारेन्ट जारी भई फरार रहेका एक युवकलाई पक्राउ गरेको छ । लागुऔषध मुद्दामा फरार रहेका झापा मेचीनगर नगरपालिका १ बस्ने २९ वर्षीय सनत भन्ने नवराज रानालाई प्रहरीले पक्राउ गरेको हो । २०७८ माघ २६ गते रानाको नाममा जिल्ला अदालतल झापाले वारेन्ट पुर्जी जारी गरेको थियो ।

वारेन्ट पुर्जी जारी भएलगत्तै फरार रहेका रानालाई माघ २८ गते पक्राउ गरी बुधबार अदालतको आदेशमा जिल्ला कारागार कार्यालय झापामा थुनाका लागि पठाइएको प्रहरीले जनाएको छ ।