२२ असार, काठमाडौं । बंगलादेश विरुद्ध हुने दुई महिला मैत्रीपूर्ण फुटबल खेलका लागि नेपाली टोली घोषणा भएको छ ।

१९औं एसियन गेम्सको तयारीमा रहेको नेपाली महिला फुटबल टिमले यही जुलाई १३ र १६ बंगलादेशसँग ढाकामा दुई खेल खेल्दैछ ।

त्यसका लागिमुख्य प्रशिक्षक अनन्तराज थापाले एन्जिला तुम्बाप्पो सुब्बाको कप्तानीमा २३ सदस्यीय टोलीको घोषणा गरेका हुन् ।

बुधबारदेखि शुक्रबारसम्म तीन दिनको प्रशिक्षणपछि प्रारम्भिक चरणमा बोलाइएका टोलीबाट उनले अन्तिम टोली चयन गरेका हुन् ।

टोलीमा डिफेण्डर गीता राना र मिडफिल्डर प्रिती राईले पुनरागमन गरेका छन् । दुवैले चोटका कारण चियतनाम विरुद्धको ओलम्पिक छनोट खेल गुमाएका थिए ।

यस्तै डिफेण्डर अञ्चली वाइबा पनि टिममा अटाएकी छन् ।

टोलीको व्यवस्थापकमा बिन्द्रा देवान छन् भने सहायक प्रशिक्षकमा पारस चौधरी तथा गोलकिपिङ प्रशिक्षकमा सुरजकुमार लामा छन् ।

नेपाली टोली

गोलकिपर : एन्जिला तुम्बाप्पो सुब्बा, अन्जना राना मगर, उषा नाथ

डिफेण्डर : अमृता जैसी, गीता राना, हीराकुमारी भुजेल, पुजा राना, विमला बिक, निशा थोकर, अञ्चली वाइबा, समिक्षा घिमिरे

मिडफिल्डर : रेनुका नगरकोटे, सरु लिम्बु, विमला चौधरी, अनिता बस्नेत, प्रीति राई, दीपा शाही

फरवार्ड : सावित्रा भण्डारी, सबिता राना मगर, रश्मिकुमारी घिसिङ, अमिषा कार्की, रेखा पौडेल, अनिता केसी ।