एसिया कपः भारत र पाकिस्तानबीचको फाइनल आज
काठमाडौँ- श्रीलंकामा जारी एसीसी इमर्जिङ टिम्स एसिया कपको फाइनल आज हुँदैछ । फाइनलमा भारत र पाकिस्तानको ‘ए’ टिमबीच प्रतिस्पर्धा हुँदैछ ।
भारत र पाकिस्तानबीचको फाइनल कोलम्बोमा नेपाली समयअनुसार दिउँसो २:१५ बजेबाट सुरु हुनेछ ।
सेमिफाइनलमा पाकिस्तानले श्रीलंका ‘ए’ लाई ६० रन तथा भारतले बंगलादेश ‘ए’ लाई ५१ रनले पराजित गरेका थिए ।
समूह चरणमा भने भारतले पाकिस्तानलाई ८ विकेटले पराजित गरेको थियो ।
