काठमाडौँ- युनाइटेड अरब इमिरेट्स चेस महासंघको आयोजनामा भाद्र ११ गते देखि १७ गते सम्म दुबईमा हुने एसियन एमेच्योर चेस प्रतियोगितामा सहभागी हुन नेपाली खेलाडी आइतबार दुबई जाने भएका छन् ।

पाँचौँ राष्ट्रिय एमेच्योर चेस प्रतियोगिताका विजेताहरु आशिष फुयाल र कुसुम पाण्डेसँगै धन बहादुर बोगटी, राजिव कार्की, जित बहादुर केपछाकी, गोविन्दमान श्रेष्ठ र भोजराज चौलागाईले प्रतियोगितामा सहभागिता जनाउने भएका हुन् ।

आषिश फुयाल २००० रेटेडतर्फ प्रतिस्पर्धा गर्नेछन् भने अन्य सबै खेलाडीहरुले १७०० मुनिको रेटिङमा प्रतिस्पर्धा गर्नेछन् ।

खेलाडीहरुलाई राष्ट्रिय खेलकुद परिषदका सदस्य सचिव टंकलाल घिसिङले विदाई गरे ।