काठमाडौँ- भारतीय ब्याटर यसश्वी जयसवालले टेस्ट क्रिकेटमा लगातार दुई दोहोरो शतक प्रहार गरेका छन् ।

पाहुना टोली इंग्ल्यान्डविरुद्धको पाँच खेलको टेस्ट सिरिजको दोस्रो खेलमा पहिलोपटक दोहोरो शतक प्रहार गरेका जयसवालले तेस्रो खेलमा पनि दोहोरो शतक हिर्काउन सफल भएका छन् ।

जयसवालले दोस्रो इनिङ्समा २ सय ३१ बलमा दोहोरो शतक पूरा गरे । उनले १४ चौका र १० छक्का हिर्काएका छन् ।

उनले दोस्रो खेलमा २ सय ९ रन बनाउँदै टेस्ट क्रिकेटमा पहिलो दोहोरो शतक हिर्काएका थिए ।