काठमाडौँ । निर्वाचन आयोगबाट मान्यता पाएपछि नेपाली कांग्रेसले आज शनिबार नै केन्द्रीय समिति बैठक आह्वान गरेको छ ।

सभापति गगन थापाले बिहान ११ः३० बजेका लागि नयाँ बानेश्वरस्थित अर्पण बैंक्वेटमा पार्टीको केन्द्रीय समिति बैठक बोलाएका छन् ।

बैठकमा पछिल्लो राजनीतिक घटनाक्रम, माघ ६ गते प्रतिनिधि सभामा उम्मेदवारी, राष्ट्रिय सभा निर्वाचन र विशेष महाधिवेशनमा छुटेका पक्षधरलाई समेट्ने विषयमा छलफल हुनेछ ।