बंगलादेशसँग नेपाल २१ रनले पराजित
काठमाडौँ- जारी टी-२० विश्वकप अन्तर्गत बंगलादेशसँग नेपाल पराजित भएको छ । बंगलादेश २१ रनले विजयी भएको हो । जितसँगै बंगलादेश सुपर ८ मा पुगेको छ ।
बंगलादेशले १९.३ ओभरमा अलआउट हुँदै नेपाललाई १०७ रनको लक्ष्य दिएको थियो ।
१९.२ ओभरमा अलआउट हुँदै नेपालले ८५ रन बनाएको थियो ।
नेपालका लागि कुशल मल्ले ४० बलमा सर्वाधिक २७ रन बनाए । त्यस्तै दीपेन्द्र सिंह ऐरीले ३१ बलमा २५ रन बनाएका छन् । आसिफ शेखले १४ बलमा १७ रनको योगदान दिए ।
बंगलादेशका लागि शकिब अल हसनले सर्वाधिक १७ रन बनाए भने महमुदुल्लाह र रिशाद होसैनले १३-१३ रन बनाएका थिए ।
त्यस्तै जाकेर अलीले १२ र लिटन दासले १० रन बनाएका थिए ।
त्यस्तै यस खेलमा नेपाली बलरले शानदार बलिङ गरेका थिए ।
बलर सोमपाल कामी, दिपेन्द्र सिंह ऐरी, रोहित पौडेल र सन्दीप लामिछानेले २-२ विकेट लिएका थिए ।
सन्दीपले यस खेलमा २ विकेट लिएसँगै टी-२० अन्तर्राष्ट्रिय क्रिकेटमा सय विकेट पुरा गरेका छन् । ५४ खेलमा १०० विकेट लिएका सन्दीप छिटो सय विकेट खेलाडीको सूचीमा राशिद खानपछि दोस्रो स्थानमा रहेका छन् । राशिदले ५३ खेलमा सय विकेट लिएका थिए ।
