२०८१ बैशाख २ - Sun Apr, 2024 -

Janasewa News

संवादका माध्यमबाट लिम्पियाधुरा, लिपुलेक र कालापानीको जमिन फिर्ता लिनुपर्छ :अध्यक्ष ओली

काठमाडौं । नेपाल कम्युनिष्ट पार्टी (एमालें) का अध्यक्ष केपी शर्मा ओलीले संवादका माध्यमबाट नेपालमा नयाँ नक्शामा समेटिएको लिम्पियाधुरा, लिपुलेक र कालापानीको जमिन फिर्ता लिनुपर्ने बताएका छन् ।

चितवनमा शुक्रबार (आज)देखि सुरु भएको एमालेको १० औं महाधिवेशनको उद्घाटन समारोहलाई सम्बोधन गर्दै अध्यक्ष ओलीले लिम्पियाधुरा, लिपुलेक र कालापानीको जमिन संवादका माध्यमबाट फिर्ता लिनुपर्ने बताएका हुन् ।

उनले भनेका छन्, ‘लिम्पियाधुरा लिपुलेक र कालापानीको हाम्रो भूगोल हामी नेपालको नक्सामा समेटेका छौँ । त्यसलाई संविधानको अंग बनाएका छौँ । तर, त्यो जमिन हामीले फिर्ता लिनुपर्नेछ । हामी छिमेकीसँग संवादको माध्यमबाट त्यो जमिन फिर्ता लिनेछौँ । फिर्ता नलिएसम्म हामीलाई दबिएको, हेपिएको भन्ने अनुभूति भइरहन्छ ।’

त्यस्तै उनले अब विश्व सहकार्यका साथ अघि बढ्नुपर्ने समय रहेको बताउँदै आफूहरुले सबैसँग समदूरीको सम्बन्ध चाहेको उल्लेख गरे । उनले भनेका छन्, ‘ठूला–साना, गरिब–धनी, जनसंख्यामा जे भएपनि सबै राष्ट्रहरूको सार्वभौमसत्ता समान छ । सबैले सबैलाई समान हिसाबले लिनुपर्छ ।’

त्यस्तै एमालेले कसैलाई पनि शत्रु र मित्रुका रुपमा नलिएर आपसी समझदारी र सहकार्यबाट अघि बढ्न चाहेको उनको दाबी छ ।

Leave a Reply

Company Information

फेन्डसिप जनसेवा मिडिया प्रा. लि.
(Friendship Jana Sewa Media Pvt.Ltd.)
अध्यक्ष /संचालक: राजन मगर
म्यानेजिङ डाइरेक्टर / संचालक: रमेश बसेल
सम्पादक: दिपक मिजार (गैरे)
सुचना तथा प्रसारण विभाग दर्ता नं
2999-2078/79

Contact Information

Friendship Jana Sewa Media Pvt.Ltd.
Kathmandu, Nepal

015918966, 9851118966
info@janasewanews.com
www.janasewanews.com