साफ यु–१९ महिला फुटबमा नेपालले आज श्रीलंकासँग प्रतिस्पर्धा गर्दै

काठमाडौं । बंगलादेशमा जारी साफ यु–१९ महिला फुटबल च्याम्पियनसिपको दोस्रो खेलमा नेपालले आज श्रीलंकासँग प्रतिस्पर्धा गर्दैछ । नेपाल र श्रीलंकाबीचको खेल बुधबार दिउँसो पौने ३ बजे ढाकामा हुनेछ ।

नेपाल पहिलो जितको खोजीमा मैदानमा उत्रँदैछ । यसअघि नेपालले बंगलादेशसँग गोलरहित बराबरी खेलेको थियो । नेपाल १ खेलमा १ अंक जोडेर अंक तालिकाको चौंथो स्थानमा रहेको छ। श्रीलंका अंकविहीन रहेको छ। श्रीलंकाले २ खेलमा अंक जोड्न सकेको छैन ।

यसअघि श्रीलंका भुटान र भारतसँग पराजित भएको थियो । च्याम्पियनसिपको तेस्रो खेलमा नेपालले भुटानविरुद्ध डिसेम्बर १७ र अन्तिम खेल भारतविरुद्ध डिसेम्बर १९ मा खेल्नेछ । राउन्ड रोबिनको आधारमा चलिरहेको प्रतियोगितामा पाँच टिमको सहभागिता रहेको छ ।

Leave a Comment

Your email address will not be published. Required fields are marked *

Get 30% off your first purchase

X
%d bloggers like this: