पर्यटकीय क्षेत्रको विकासका लागि प्रतिबद्ध छु : मन्त्री आले
कञ्चनपुर । संस्कृति पर्यटन तथा नागरिक उड्डयनमन्त्री प्रेमबहादुर आलेले नायल पर्यटकीय क्षेत्रको विकासका लागि प्रतिबद्ध रहेको बताएका छन् ।
कैलाली, कञ्चनपुर र डडेल्धुराको त्रिबिन्दुमा पर्ने पर्यटकीय क्षेत्र नायलको भ्रमण गर्दै आज उनले गुरुयोजना बनाइ यस क्षेत्रको विकासका कार्य अगाडि बढाइने बताए । पर्यटकीय क्षेत्र पुग्ने सडकको स्तरवृद्धिका लागि चाँडै कार्य अगाडि बढाइने उनले बताए ।
“नायल गाउँको ऐतिहासिक लोक सांस्कृतिक पुरातात्विक क्षेत्रको संरक्षण गर्नका लागि कार्यक्रम सञ्चालन हुन्छ”, उनले भने, “नायल गाउँलाई पूर्वडोटी र दक्षिण कञ्चनपुरसम्म जोड्दै ऐतिहासिक प्राकृतिक क्षेत्रको विकासका कार्यक्रम सञ्चालन गर्न इच्छुक छु ।