निम्नवर्गलाई माथि उकास्ने बजेट ल्याउनुपर्नेमा सांसद संग्रौलाको जोड
निम्नवर्गलाई माथि उकास्ने बजेट ल्याउनुपर्नेमा सांसद संग्रौलाको जोड
जनसेवा न्युज डटकम संवाददाता
नेपाली काँग्रेसकी सांसद डा। डिला संग्रौलाले आमजनतालाई सकारात्मक प्रभाव पार्ने र निम्नवर्गका तह र तप्कालाई माथि उकास्ने खालको बजेट निर्माण हुनुपर्ने बताएकी छन् । बुधबार प्रतिनिधि सभाको बैठकमा विनियोजन विधयकका सिद्धान्त र प्राथमिकतामाथिको छलफलमा भाग लिँदै उनले निम्नवर्गलाई माथि उकास्ने खालको बजेट ल्याउन सुझाव दिएकी हुन् ।
सांसद संग्रौलाले बजेटले प्रत्येक नागरिकलाई आफ्नो देश प्रतिको राष्ट्रियताको भावना जगाउँदै स्वदेशमा नै रोजगारी गरी उत्पादन वृद्धि गर्ने र उत्पादित वस्तुको निर्यात गरी अर्थतन्त्र मजबुत बनाउन सक्नु पर्नेमा जोड दिइन् । ‘‘मेरो देश मैले नै बनाउनु हो’’ भन्ने कुरा प्रत्येक नागरिकमा ल्याउन सबै पक्षबाट इमान्दारिता हुनुृपर्ने सन्देश आगामी बजेटमा आउन जरुरी छ,’ संग्रौलाले भनिन् ।
उनले उत्पादनमूलक क्षेत्रमा लगानीको मात्र बढाउन र निजी क्षेत्रलाई प्रोत्साहन गर्न सरकारले उत्पादनमूलक क्षेत्रमा लगानी बढाउनुपर्ने उनको भनाइ छ । सहयोग र अनुदानलाई लक्षित क्षेत्रमा कार्यान्वयन गर्दै भरसक ऋण लिने प्रवृत्तिलाई कम गर्दै जानुपर्नेमा उनले जोड दिइन् ।
पूर्वाधार विकासलाई जोड दिँदै कृषि, स्वास्थ्य, शिक्षा, पर्यटन, विद्युत, खानेपानी, सिंचाई, सडक, सामाजिक सुरक्षा र न्यायको सामनजस्यता कायम गरी प्राथमिकताको आधारमा विकास गर्दै अर्थतन्त्र मजबुत बनाउन सक्नुपर्ने उनको भनाइ छ ।
आम्दानीको स्रोतहरुलाई व्यवस्थापन गर्दे अनुपात्दक खर्चलाई कटौती गर्न उनको सुझवा छ । भ्रष्ट्राचार, कमिशन, चुहावटलाई रोक्न प्रभावकारी कदम ल्याउन आवश्यक रहेको संगौलाको भनाइ छ । जलवायु परिवर्तन र विपद व्यवस्थापनमा विशेष जोड दिनुपर्ने उनले बताइन् ।