एमालेको पकड काभ्रेको पनौती नगरपालिकामा कांग्रेसको जित

काभ्रे । नेकपा एमालेको पकड क्षेत्र मानिने काभ्रेको पनौती नगरपालिकामा पनि कांग्रेसले जितेको छ । पनौतीको मेयरमा नेपाली कांग्रेसका उम्मेदवार राम शरण भण्डारी विजयी भएका छन् ।

भण्डारीले १४ हजार ५० मत पाउँदा प्रतिस्पर्धी एमालेका भीम न्यौपानेले ११ हजार ७८३ मत प्राप्त गरे ।

उपमेयरमा भने नेकपा एमालेकी गीता बन्जारा विजयी भइन् । बन्जाराले १२ हजार ३३७ मत प्राप्त गरिन् भने प्रतिस्पर्धी नेकपा एकीकृत समाजवादीका छविलाल हुमागाईंले १० हजार ३८८ मत पाए ।

यहाँ कांग्रेसले १, ५, ९ र १० गरी चार वटा वडा जितेको छ भने एमालेले २, ३, ४, ६, ७, ८ र ११ गरी सातवटा वडा जितेको छ ।