रोल्पामा सडक खन्दै गरेको स्थानमा पहिरो जाँदा २ बालक पुरिए

रोल्पा । रोल्पामा सडक खन्दै गरेको स्थानमा पहिरो झर्दा आइतबार बिहान २ बालक पुरिएका छन् ।

जिल्लाको परिवर्तन गाउँपालिकाको वडा न. ५ को दाउने भिर भन्ने ठाँउमा स्काभेटर मेसिनले सडक खन्दै गरेको स्थानमा पहिरो झर्दा सडकमा खेलिरहेका २ बालक पुरिएको जिल्ला प्रहरी कार्यालय रोल्पाले जनाएको छ । पुरिएका बालकहरुको अहिले उद्धार कार्य भइरहेको छ ।

‘सडक खन्ने मेसिन रोकेर मेसिनका अप्रेटर खाना खान गएको समयमा सडकको माथिबाट पहिरो झरेको हो । सोही पहिरोले दुई बालक पुरिएका हुन्,’ ईलाका प्रहरी कार्यालय घर्ती गाउँ रोल्पाका प्रमुख प्रहरी निरीक्षक देब राज भट्टराईले बताए ।

निरीक्षक भट्टराईका अनुसार पुरिनेमा स्थानीय ६ वर्षका डेविट खड्का र २ वर्षिय इशान खड्काको रहेका छन् ।