ककनीमा राखियो प्रकाशको सालिक, प्रचण्डले गरे अनावरण
ककनीमा राखियो प्रकाशको सालिक, प्रचण्डले गरे अनावरण
काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले दिवंगत पुत्र प्रकाश दाहालको सालिक अनावरण गरेका छन् ।
नेपाल पर्वतारोहण संघले नुवाकोटको ककनी गाउँपालिका.६ मा रहेको ककनी अन्तर्राष्ट्रिय स्मृति पार्कमा निर्माण गरेको सालिकको आज अनावरण गरेका हुन् । अध्यक्ष प्रचण्ड बुहारी बिना मगरसहित ककनी पुगेर सालिकको अनावरण गरेका छन् ।
‘लुम्बिनी सगरमाथा आरोहण अभियानका नामले शान्ति र संविधानको सन्देश प्रवाह गर्न सफल आरोही’ रहेको भन्दै पर्वतारोहण संघले प्रकाशको सालिक बनाएको जनाएको छ ।
सालिकसहित प्रकाशको जीवनी लेखेर सिलालेख पनि राखिएको छ । प्रकाशको २०७४ मंसिर ३ गते निधन भएको थियो ।