रुकुम पश्चिममा जनार्दन शर्मा तेब्बर मतान्तरले अघि, प्रदेशमा पनि माओवादीको अग्रता कायमै

जनसेवा न्युज डटकम संवाददाता

रुकुम पश्चिममा नेकपा (माओवादी केन्द्र) का उपमहासचिव जनार्दन शर्मा ‘प्रभाकर’ले प्रतिस्पर्धीले तेब्बर मतान्तरले लिड गरिरहेका छन् । रुकुम पश्चिममा खसेको ६० हजार ५२७ मतमध्ये अहिलेसम्म १४ हजार ४५४ मतगणना भएको छ । जसमा शर्माले ९ हजार १०९ मत प्राप्त गरेका छन् । उनका निकटतम् प्रतिद्वन्द्वी नेकपा एमालेका नन्दराम देवकोटाले ३ हजार ६९६ मत पाएका छन् ।

यस्तै राप्रपाका दीपक मल्लले २७० मत प्राप्त गरेका छन् भने स्वतन्त्र उम्मेदवार तारक केसी (सुर्यमुखी) ले ७५३ मत पाएका छन् । यस्तै ५५९ मत बदर भएका छन् । यता प्रदेश सभातर्फ पनि दुबै माओवादी उम्मेदवार अगाडि छन् ।

(क) मा अहिलेसम्म गणना भएको ८ हजार ६८ मतमध्ये माओवादीका महेन्द्र केसीले ५ हजार २७८ मत पाएका छन् । उनका प्रतिद्वन्द्वी एमालेका नारायणकुमार शाहले २ हजार १०८ मत प्राप्त गरे । राप्रपाका विनोदकुमार शाहले ३८९ मत प्राप्त गर्दा २९३ मत बदर भएको छ ।

(ख) मा हालसम्म गणना भएको ६ हजार २६९ मतमध्ये माओवादीका राजकुमार शर्माको पक्षमा ३ हजार ९०० मत आएको छ भने एमालेका कर्णबहादुर घर्ती मगरले १ हजार ८५७ मत पाएका छन् । राप्रपाका निर्जल केसीले ३२३ मत पाउँदा १८९ मत बदर भएको छ ।