२०७९ माघ २० - Fri Feb, 2023 -

Janasewa News

जसपा सप्तरीका इन्चार्जले दिए पदबाट राजीनामा

जसपा सप्तरीका इन्चार्जले दिए पदबाट राजीनामा

जनसेवा न्युज डटकम संवाददाता

जनता समाजवादी पार्टी नेपालका सप्तरी जिल्ला इन्चार्ज एवम् मधेस प्रदेश समितिका सदस्य कौशलैन्द्र यादवले आफ्नो पदबाट राजीनामा दिएका छन् । मधेस प्रदेश समितिका अध्यक्षलाई सम्बोधन गरी उनले आजै राजीनामा बुझाएका छन् ।

राजीनामा पत्रमा भनिएको छ, ‘मंसिर ४ गते प्रतिनिधिसभा र प्रदेशसभाको चुनावमा लज्जास्पद हार बेहोर्नुपरेको हुनाले नैतिकताको आधारमा पार्टीले दिएको जिम्मेवारी मधेस प्रदेश सदस्य र सप्तरी जिल्लाको इन्चार्जको जिम्मेवारीबाट राजीनामा दिएको छु ।’

सप्तरी २ मा प्रतिनिधिसभा सदस्यको उम्मेदवार उपेन्द्र यादव र सोही क्षेत्रको प्रदेश सभा क्षेत्र नम्बर १ मा शैलेन्द्र साहलाई जनमत पार्टीले हराएको छ । त्यस्तै, सप्तरी ३ (ख) लगायत अन्य क्षेत्रमा पनि जसपाका थुप्रै नेता हारेका छन् । सप्तरीमा जसपाको ठूलो क्षति भएको भन्दै नैतिकताको आधारमा कौशलेन्द्रले राजीनामा दिएका छन् ।

Leave a Reply

Company Information

फेन्डसिप जनसेवा मिडिया प्रा. लि.
(Friendship Jana Sewa Media Pvt.Ltd.)
अध्यक्ष /संचालक: राजन मगर
म्यानेजिङ डाइरेक्टर / संचालक: रमेश बसेल
सम्पादक: दिपक मिजार (गैरे)
सुचना तथा प्रसारण विभाग दर्ता नं
2999-2078/79

Contact Information

Friendship Jana Sewa Media Pvt.Ltd.
Kathmandu, Nepal

015918966, 9851118966
info@janasewanews.com
www.janasewanews.com