२०७९ माघ २१ - Sat Feb, 2023 -

Janasewa News

सुदूरपश्चिममा प्रदेशसभा बैठक बोलाउनेबारे सर्वदलीय बैठक बस्दै

सुदूरपश्चिममा प्रदेशसभा बैठक बोलाउनेबारे सर्वदलीय बैठक बस्दै

कैलाली । शुक्रबार अनिश्चित समय सम्मको लागि स्थगित गरिएको सुदूरपश्चिम प्रदेश सभाको बैठक बोलाउनेबारे आज (शनिबार) बिहान ११ बजे सर्वदलीय बैठक बस्ने भएको छ ।

बिहीबार साँझ सभामुखमा कसैको पनि बहुमत पुग्न नसकेपछि हिजो (शुक्रबार) बिहान ११ बजेको लागि बैठक बोलाइएको थियो । तर, शुक्रबार सर्वदलीय बैठकमा कांग्रेसले निर्वाचन प्रक्रिया सुरुबाट गर्नु पर्ने भनेपछि सहमति हुन सकेको थिएन । त्यसैबिच सभाध्यक्ष शिवराज भट्ट सम्पर्क विहीन भएपछि संसद् अनिश्चित भएको थियो ।

शुक्रबार साँझ सम्म सभाध्यक्ष सम्पर्कमा नआएपछि सत्ता गठबन्धनका २९ जनाले हस्ताक्षर गरेर तत्काल संसद् बोलाउन माग गरेका थिए । सभामुखका लागि माओवादी केन्द्रका भीम भण्डारी र कांग्रेसका मानबहादुर रावल उम्मेदवार छन् ।

यता सुदूरपश्चिम प्रदेश सभाका बहुमत सदस्य अर्थात २९ जनाले तत्काल प्रदेश सभाको बैठक आह्वान गर्न माग गरेका छन् । शुक्रबार साँझ प्रदेश सभा सचिवालयका सचिव देवबहादुर बोगटीलाई ध्यानाकर्षण पत्र बुझाउँदै बहुमत प्रदेश सभा सदस्यहरूले संसद् बैठक आह्वान गर्न माग गरेका छन्।

सरकारले पूर्णता नपाउदै सभामुख चयनमा बहुमत जुटाउन नसक्दा प्रदेश सरकार संकटमा परेको छ ।

Leave a Reply

Company Information

फेन्डसिप जनसेवा मिडिया प्रा. लि.
(Friendship Jana Sewa Media Pvt.Ltd.)
अध्यक्ष /संचालक: राजन मगर
म्यानेजिङ डाइरेक्टर / संचालक: रमेश बसेल
सम्पादक: दिपक मिजार (गैरे)
सुचना तथा प्रसारण विभाग दर्ता नं
2999-2078/79

Contact Information

Friendship Jana Sewa Media Pvt.Ltd.
Kathmandu, Nepal

015918966, 9851118966
info@janasewanews.com
www.janasewanews.com