राष्ट्रिय स्वतन्त्र पार्टीको आकस्मिक बैठक

काठमाडौँ । राष्ट्रिय स्वतन्त्र पार्टीले शुक्रबार राति केन्द्रीय समितिको आकस्मिक बैठक बोलाएको छ । पार्टी सभापति रवि लामिछानेको नागरिकतामा कैफियत देखाउँदै सर्वोच्च अदालतले विपक्षमा फैसला सुनाएसँगै उक्त पार्टीले केन्द्रीय समितिको बैठक बोलाएको हो ।

सर्वोच्को फैसलापछिको अवस्थामाथि छलफल गर्न आकस्मिक बैठक बोलाइएको सो पार्टीका एक नेताले बताएका छन् । सर्वोच्च अदालतको आदेशपछि लामिछानेको सांसद पद, उपप्रधानमन्त्री तथा गृहमन्त्री, पार्टी सभापति र पार्टी साधारण सदस्यतासमेत खारेज भएको छ । बैठकमा सभापति चयन लगायतका विषयमा पनि छलफल हुने जनाइएको छ ।