काठमाडौं– नेकपा माओवादी केन्द्रको पदाधिकारी बैठक सुरु भएको छ । पार्टी केन्द्रीय कार्यालय पेरिसडाँडामा पदाधिकारीको बैठक सुरु भएको हो ।

जारी बैठक सरकार विस्तारको छलफलमा केन्द्रीत छ । प्रधानमन्त्री प्रचण्डलाई अहिले गठबन्धनभित्र भागबण्डा मिलाउन सकस भइरहेको बेला पार्टीको पदाधिकारी बैठक बसेको हो ।

उपराष्ट्रपतिको निर्वाचन लगत्तै सरकार विस्तार गर्ने भनिए पनि सहमति नजुट्दा सरकारले पूर्ण पाएको छैन । साना दलहरुलेसमेत धेरै मन्त्रीमा आकांक्षा गरेपछि सरकार विस्तारमा समस्या उत्पन्न भएको हो ।