काठमाडौँ । उपनिर्वाचन शान्तिपूर्ण रूपमा सम्पन्न भएको बताउँदै गृहमन्त्री रमेश लेखकले सबैलाई धन्यवाद दिएका छन् ।

आइतबार स्थानीय तहका विभिन्न स्थानमा ४१ पदका लागि भएको उपनिर्वाचन शान्तिपूर्ण रूपमा सम्पन्न भएको गृहमन्त्रीले बताए । उनले भने, ‘३३ जिल्लामा ४१ पदका लागि भएको उपनिर्वाचन शान्तिपूर्ण रूपमा सम्पन्न भएको छ, मतदान कार्य शान्तिपूर्ण रूपमा सम्पन्न गर्न सहभागी सबै मतदाता, निर्वाचन आयोग, राजनीतिक दल, निर्वाचनमा संलग्न सुरक्षाकर्मी, निजामती कर्मचारी र सञ्चार माध्यम र सबैलाई धन्यवाद ।’

मन्त्री लेखकले निर्वाचन लोकतन्त्रको मेरुदण्ड भएको बताएका छन् ।