एमसीसी खारेज नभइन्जेलसम्म जनताले संघर्ष गर्नुपर्छ : चित्रबहादुर केसी
काठमाडौँ । राष्ट्रिय जनमोर्चाका अध्यक्ष चित्रबहादुर केसीले एमसीसी कुनै पनि हालतमा खारेज हुनुपर्ने बताएका छन् । शुक्रबार खुला मञ्चमा आयोजित संयुक्त विरोध सभालाई सम्बोधन गर्दै अध्यक्ष केसीले यस्तो बताएका हुन् । ‘एमसीसी कुनै पनि हालतमा खारेज हुनुपर्छ,’ अध्यक्ष केसीले भनेका छन्, ‘एमसीसी जहिलेसम्म खारेज हुँदैन, तबसम्म जनताले यसको विरुद्धमा संघर्ष गर्नुपर्छरगरिरहनुपर्छ ।’
अध्यक्ष केसीले नेपालका ठूला दलहरूबीच अमेरिकी आशीर्वाद कसले लिने भन्नेबारे प्रतिस्पर्धा चलिरहेको दाबी गरे । ‘एमसीसी मेरो दलले पारित गराएको हो भनेर अमेरिकासामु भन्ने र आशीर्वाद लिएर त्यसैको आडमा राजनीति गर्नेहरूको ठूलै प्रतिस्पर्धा छ । ठूला दलहरू यही गरिरहेका छन् ।’
अध्यक्ष केसीले एमसीसी खारेज नभए नेपालको स्थिति इराक, सिरिया र अफगानिस्तानको जस्तो हुने दाबी गरे ।