माओवादी संसदीय दलको बैठक सिंहदरबारमा जारी
जनसेवा न्युज डटकम संवाददाता
काठमाडौँ — नेकपा माओवादी केन्द्रको संसदीय दलको बैठक सिंहदरबारमा सुरु भएको छ । दलको कार्यालयमा केहीबेर अघि बैठक सुरु भएको अध्यक्ष पुष्पकमल दाहालको सचिवालयले जनाएको छ ।
बैठकमा दलको नेता, उपनेता, सचेत चयन गर्ने लगायत विषयमा छलफल भइरहेको माओवादी केन्द्रले जनाएको छ ।
दलको नेतामा अध्यक्ष दाहालबाहेक कसैको दाबी नरहेको एक सांसदले जानकारी दिए । उपनेतामा भने नेताहरु वर्षमान पुन र जनार्दन शर्माले दाबी गरेका छन् ।