काठमाडौँ- धनुषाधाम नगरपालिका वडा नं १ को अध्यक्षमा नेपाल कम्युनिष्ट पार्टी (माओवादी केन्द्र)का सुनिल कापर केवट निर्वाचित भएका छन् ।

आइतबार भएको उपनिर्वाचनमा केवटले ६८४ मत प्राप्त गरी विजयी भएको निर्वाचन कार्यालयले जनाएको छ ।

कार्यालयका अनुसार नेपाली कांग्रेसका अशोककुमार मण्डलले ६०२ मत प्राप्त गरे ।

साथै जनता समाजवादी पार्टी नेपालका अजयकुमार यादवले ४९९,  नेपाल कम्युनिष्ट पार्टी (एमाले)का प्रमोद यादवले ३६५, राष्ट्रिय प्रजातन्त्र पार्टीका रामदेव सिंह दनुवारले २७ र जनमत पार्टीका कुशेश्वर मण्डलले २५,  राष्ट्रिय स्वतन्त्र पार्टीका राम नरेश दासले १० मत प्राप्त गरे ।

यो वडा कांग्रेसको गढ मानिन्छ । यसअघि यो वडामा लगातार दुई पटक नेपाली कांग्रेसले जितेको थियो । कांग्रेसबाट निर्वाचित धनुषाधाम नगरपालिकाका मेयर बालेश्वर मण्डलको घर यसै वडामा पर्छ । त्यस्तै

कांग्रेसका केन्द्रीय सदस्य तथा राष्ट्रियसभा सदस्य आनन्द ढुंगानाको घर पनि वडामा हो ।